திண்ணை: சாகித்திய அகாடமி கண்காட்சி

தேசிய புத்தக வார விழாவை முன்னிட்டு சாகித்திய அகாடமி சென்னைக் கிளை அலுவலகத்தில் 14.11.23 முதல் 20.11.23 வரை காலை 9.30 மணியிலிருந்து மாலை 5.30 மணி வரை புத்தகக் கண்காட்சி நடைபெற்றுவருகிறது. புத்தகக் காட்சி நடைபெறும் இடம்: 443, அண்ணா சாலை, குணா வளாகம், இரண்டாம் தளம், தேனாம்பேட்டை, சென்னை 18.

எழுத்தாளர்களின் ஆவணப் படங்கள்! - தேசிய நூலக வாரத்தை முன்னிட்டு நவம்பர் 14 முதல் 20 வரை பொது நூலகத் துறையின் சென்னை மாநகர நூலக ஆணைக்குழு சார்பாக கலைஞர்கள் - எழுத்தாளர்கள் பற்றிய பன்னாட்டு ஆவணப்பட விழா நடைபெற்றுவருகிறது. சென்னை அண்ணா சாலையிலுள்ள தேவநேயப் பாவாணர் மாவட்ட மைய நூலகத்தில் காலை 10.30 முதல் மாலை 5.30 மணி வரை படங்கள் திரையிடப்பட்டுவருகின்றன. பாரதியார், கு.அழகிரிசாமி, ஜெயகாந்தன், அசோகமித்திரன், வண்ணதாசன் உள்ளிட்ட புகழ்பெற்ற எழுத்தாளர்கள், கலைஞர்களை பற்றிய ஆவணப்படங்களுடன் சர்வதேச எழுத்தாளர்கள் பற்றிய படங்களும் திரையிடப்படுகின்றன.