தமிழகத்தில் விஸ்வகர்மா திட்டத்தை செயல்படுத்த முடியாது என்பதா? - அரசுக்கு பாஜக கண்டனம்

சென்னை: “உப்புச் சப்பில்லாத காரணங்களை கூறி தமிழகத்தில் விஸ்வகர்மா திட்டத்தை செயல்படுத்த முடியாது என சொல்வது கண்டிக்கத்தக்கது” என பாஜக தெரிவித்துள்ளது.

இதுகுறித்து பாஜக மாநில துணை தலைவர் நாராயணன் திருப்பதி வெளியிட்டுள்ள அறிக்கையில், “பிரதமரின் விஸ்வகர்மா திட்டம் சாதி அடிப்படையில் உள்ளது என்ற பொருள்பட தமிழக முதல்வர் ஸ்டாலின் கூறியிருப்பது அதிர்ச்சி அளிக்கிறது. இந்த திட்டத்தை ஆய்வு செய்ய தமிழக அரசின் சார்பில் ஒரு குழு அமைக்கப்பட்டதாகவும், அக்குழு விரிவான ஆய்வினை மேற்கொண்டு பல்வேறு மாற்றங்களை பரிந்துரைத்ததாகவும், ஆனால், இத்திட்டத்தில் மத்திய அரசு எந்த மாற்றமும் செய்யவில்லை என்றும் முதல்வர் கூறியிருப்பது, அக்குழுவின் அறியாமையை வெளிப்படுத்துகிறது.